علاقات خطرة . الدكتور محمد طه pdf
"علاقات خطرة" هو كتاب للدكتور محمد طه، وهو أحد الكتب التي تتناول العلاقات الإنسانية ومشاكلها النفسية والاجتماعية. الدكتور محمد طه هو طبيب نفسي وكاتب مشهور قدم العديد من الكتب التي تتعلق بالصحة النفسية والتنمية الذاتية.
في "علاقات خطرة"، يناقش الدكتور محمد طه أنواع العلاقات المختلفة التي يمكن أن تكون ضارة أو سامة للأفراد، ويوضح كيف يمكن لهذه العلاقات أن تؤثر سلباً على الصحة النفسية والعاطفية. كما يقدم نصائح وإرشادات للتعامل مع هذه العلاقات وتحسين جودة الحياة النفسية والاجتماعية.
يُعد الكتاب من الكتب المؤثرة في هذا المجال ويلاقي إقبالاً كبيراً من القراء الذين يبحثون عن فهم أعمق للعلاقات الإنسانية وكيفية إدارتها بطريقة صحية.
 |
| علاقات خطرة . الدكتور محمد طه . |
ملخص الكتاب:
مُقدِّمة
ممكن تكون أعقد حاجة في الدنيا هي العلاقات بين البشر.. مش بس أعقد... لا.. هي كمان أخطر، وطبعا أصعب... العلاقات بين البشر زي ما هي أحد الأسباب المهمة للسعادة والبهجة والإقبال على الحياة.. ساعات بتكون أحد أهم مصادر التعاسة والألم.. ممكن علاقة تطلعك سابع سما، وعلاقة تانية تنزلك سابع أرض.. اللي بيبوظ ويشوه ويؤذي الناس علاقة.. واللي بيصلح ويغير ويعالج الناس برضه علاقة.. إحنا بنكير من خلال علاقاتنا مع بعض..
فيه دراسة اتعملت في جامعة هارفارد وانتشرت قريب.. الدراسة دي استمرت ٧٥ سنة أجيال من الباحثين وأجيال من البشر.. كانوا بيشوفوا هو إيه اللي فرق في حياة الناس بعد السنين الطويلة اللي عاشوها هما وأولادهم وأحفادهم.. معظمهم كانوا متصورين في الأول إن اللي ها يفرق في حياتهم هو الفلوس والشهرة وغيرها.
بس اكتشف الباحثون في آخر الدراسة إن أكتر حاجة فرقت في صحة الناس النفسية والجسدية، وطول أعمارهم ومدى سعادتهم وقدرتهم على مقاومة الأمراض والأحزان والشيخوخة وغيرها.. هي وجود علاقات طيبة في حياتهم.. علاقات فيها قرب وحب وتراحم وتفاهم... علاقات كان الطرف الثاني فيها متاح وموجود في عز الأوقات الصعبة.. وعلى العكس.. الناس اللي ما كانش عندهم علاقات بالشكل ده في حياتهم.. أعمارهم كانت أقصر.. نسبة إصابتهم بالأمراض المختلفة كانت أكتر.. قدرتهم على تحمل الألم النفسي والجسدي كانت أقل.. وجالهم كمان الزهايمر في شيخوختهم...
العلاقات الطيبة هي أكسير الحياة. وهي الترياق الوحيد ضد الذبول الروحي والموت النفسي. في كتاب علاقات خطرة هانتكلم عن أنواع وأشكال كثير من العلاقات.. بدءًا من علاقتك بنفسك.. وانتهاء بعلاقتك بكل اللي حواليك .. علشان كده الكتاب مقسم إلى خمسة أقسام...
القسم الأول الفصول من 1 إلى ( يخص تركيبتك أنت شخصيا.. اللي مهم تعرفها وتبقى واعي بيها قبل ما تعمل أي علاقة. أي حد.. هانتكلم عن علاقتك بجسمك.. وعن تكوينـك النفسي الرجولي والأنثوي.. وعن التلات أشخاص اللي عايشين جواك...
القسم التاني (الفصول من 4 إلى (٦ عن بعض الحاجات المهمة جدا في علاقتك بالآخرين.. هو إنت في العلاقة دي بتكون نفس واللا بتكون حد تاني ؟ طيب هو إنت شايف اللي قدامك زي ما هو واللا بتتعامل مع حد غيره في صورته؟ طيب اللي قدامك نفسه بيتعامل معاك كما أنت واللا بيليسك صورة حد غيرك؟
